Editing 1 Chronicles 18 Urdu

{{Books of the Old Testament Urdu}} 18 تواریخ-۱
<big><div style="text-align: right;"><span style="font-family:Jameel Noori Nastaleeq;">

۱

اِسکے بعد یُوں ہُئوا کہ داؤُؔد نے فِلسِتیوں کو مارا اور اُنکو مغلُوب کِیا اور جاؔت کو اُس کے قصبوں سمیت فِلسِتیوں کے ہاتھ سے لِیا۔

۲

اور اُس نے مؔوآب کو مارا اور موآبی داؤُؔد کے مُطِیع ہو گئے اور ہدئے لائے۔ 

۳

اور داؤُؔد نے ضؔوباہ کے بادشاہ ہؔدرعزر کو بھی جب وہ اپنی سلطنت دریایِ فؔرات تک قائِم کرنے گیا حماؔت میں مار لِیا۔ 

۴

اور داؤُؔد نے اُس سے ایک ہزار رتھ اور سات ہزار سوار اور بِیس ہزار پیادے لے لئِے اور اُس نے رتھوں کے سب گھوڑوں کی کونچیں کٹوا دِیں پر اُن میں سے ایک سَو رتھوں کے لئِے گھوڑے بچا لئِے۔ 

۵

اور جب دمشق کے ارامی ضؔوباہ کے بادشاہ ہؔدرعزر کی مدد کرنے کو آئے تو داؤُؔد نے ارامیوں میں سے بائِیس ہزار آدمی قتل کئِے۔ 

۶

تب داؤُؔد نے دمشؔق کے اراؔم میں سپاہیوں کی چَوکیاں بِٹھائِیں اور ارامی داؤُؔد کے مُطِیع ہو گئے اور ہدئے لائے اور جہاں کہِیں داؤُؔد جاتا خُداوند اُسے فتح بخشتا تھا۔ 

۷

اور داؤُؔد ہؔدرعزر کے نَوکروں کی سونے کی ڈھالیں لیکر اُنکو یروشلِؔیم میں لایا۔ 

۸

اور ہؔدرعزر کے شہروں طِبخؔت اور کُؔون سے داؤُؔد بُہت سا پِیتل لایا جِس سے سُلؔیمان نے پِیتل کا بڑا حَوض اور ستُون اور پِیتل کے برتن بنائے۔ 

۹

اور جب حماؔت کے بادشاہ تؔوعُو نے سُنا کہ داؤُؔد نے ضؔوباہ کے بادشاہ ہدؔرعزر کا سارا لشکر مار لِیا۔ 

۱۰

تو اُس نے اپنے بیٹے ہدُؔورام کو داؤُؔد بادشاہ کے پاس بھیجا تا کہ اُسے سلام کرے اور مُبارکباد دے اِسلئِے کہ اُس نے جنگ کرکے ہدؔرعزر کو مارا (کیونکہ ہدؔرعزر تؔوعُو سے لڑا کرتا تھا) اور ہر طرح کے سونے اور چاندی اور پِیتل کے برتن اُسکے ساتھ تھے۔ 

۱۱

اِنکو بھی داؤُؔد بادشاہ نے اُس چاندی اور سونے کے ساتھ جو اُس نے اَور سب قَوموں یعنی ادُؔوم اور مؔوآب اور بنی عمُّون اور فِلسِتیوں اور عمالِؔیق سے لِیا تھا خُداوند کو نذر کِیا۔ 

۱۲

اور ابی شؔے بِن ضرُؔویا نے وادیِ شؔور میں اٹھارہ ہزار دُومِیوں کو مارا۔ 

۱۳

اور اُس نے ادُؔوم میں سِپاہیوں کو چَوکیاں بِٹھائِیں اور سب ادُومی داؤُؔد کے مُطِیع ہو گئے اور جہاں کہِیں داؤُؔد جاتا خُداوند اُسے فتح بخشتا تھا۔ 

۱۴

سو داؤُؔد سارے اِسرائؔیل پر سلطنت کرنے لگا اور اپنی ساری رعیّت کے ساتھ عدل و اِنصاف کرتا تھا۔ 

۱۵

اور یُؔوآب بِن ضرُؔویاہ لشکر کا سردار تھا یہُؔوسفط بِن اخِیلُؔود موّرِخ تھا۔ 

۱۶

اور صدُؔوق بِن اِخیطؔوب اور ابیملِؔک بِن ابیاؔتر کاہِن تھے اور شَؔوشامُشی تھا۔ 

۱۷

اور بناؔیاہ بِن یہؔویدع کریتیوں اور فلیتیوں پر تھا اور داؤُؔد کے بیٹے بادشاہ کے خاص مُصاحِب تھے۔ </span></div></big>

{{Donate}}