Editing Numbers 12 Urdu

{{Books of the Old Testament Urdu}} 12 گنتی
<big><div style="text-align: right;"><span style="font-family:Jameel Noori Nastaleeq;">

۱

اور مُؔوسیٰ نے ایک کُؔوشی عَورت سے بیاہ کر لِیا۔ سو اُس کُؔوشی عَورت کے سبب سے جِسے مُؔوسیٰ نے بیاہ لِیا تھا مؔریم اور ہارُؔون اُس کی بدگوئی کرنے لگے۔ 

۲

وہ کہنے لگے کہ کیا خُداوند نے فقط مُؔوسیٰ ہی سے باتیں کی ہیں؟ کیا اُس نے ہم سے بھی باتیں نہیں کِیں؟ اور خُداوند نے یہ سُنا۔ 

۳

اور مُؔوسیٰ تو رویِ زمِین کے سب آدمِیوں سے زِیادہ حلِیم تھا۔

۴

سو خُداوند نے ناگہان مُؔوسیٰ اور ہارُؔون اور مؔریم سے کہا کہ تُم تِینوں نِکل کر خَیمۂِ اِجتماع کے پاس حاضِر ہو۔ سو وہ تِینوں وہاں آئے۔ 

۵

اور خُداوند ابر کے ستُون میں ہو کر اُترا اور خَیمہ کے دروازہ پر کھڑے ہو کر ہارُؔون اور مؔریم کو بُلایا۔ وہ دونوں پاس گئے۔

۶

تب اُس نے کہا میری باتیں سُنو۔ اگر تُم میں سے کوئی نبی ہو تو مَیں جو خُداوند ہُوں اُسے رویا میں دِکھائی دُونگا اور خواب میں اُس سے باتیں کرُونگا۔ 

۷

پر میرا خادِم مُؔوسیٰ اَیسا نہیں ہے۔ وہ میرے سارے خاندان میں امانت دار ہے۔ 

۸

مَیں اُس سے مُعمّوں میں نہیں بلکہ رُو برُو اور صرِیح طَور پر باتیں کرتا ہُوں اور اُسے خُداوند کا دِیدار بھی نِصیب ہوتا ہے۔ سو تُم کو میرے خادِم مُؔوسیٰ کی بدگوئی کرتے خَوف کیوں نہ آیا؟۔ 

۹

اور خُداوند کا غضب اُن پر بھڑکا اور وہ چلا گیا۔ 

۱۰

اور ابر خَیمہ کے اُوپر سے ہٹ گیا اور مؔریم کوڑھ سے برف کی مانِند سفید ہوگئی اور ہارُؔون نے جو مؔریم کی طرف نظر کی تو دیکھا کہ وہ کوڑھی ہوگئی ہے۔ 

۱۱

تب ہارُؔون مُؔوسیٰ سے کہنے لگا ہائے میرے مالِک! اِس گُناہ کو ہمارے سر نہ لگا کیونکہ ہم سے نادانی ہُوئی اور ہم نے خطا کی۔

۱۲

اور مؔریم کو اُس مَرے ہُوئے کی طرح نہ رہنے دے جِسکا جِسم اُسکی پَیدائش ہی کے وقت آدھا گلا ہُئوا ہوتا ہے۔

۱۳

تب مُؔوسیٰ خُداوند سے فریاد کرنے لگا کہ اَے خدا! مَیں تیری مِنّت کرتا ہُوں اُسے شِفا دے۔

۱۴

اور خُداوند نے مُؔوسیٰ سے کہا کہ اگر اُسکے باپ نے اُس کے مُنہ پر فقط تُھوکا ہی ہوتا تو کیا سات دِن تک وہ شرمِندہ نہ رہتی؟ سو وہ سات دِن تک لشکرگاہ کے باہر بند رہے۔ اِس کے بعد وہ پھِر اندر آنے پائے۔

۱۵

چُنانچہ مؔریم سات دِن تک لشکرگاہ کے باہر بند رہی اور لوگوں نے جب تک وہ اندر آنے نہ پائی کُوچ نہ کِیا۔ 

۱۶

اِس کے بعد وہ لوگ حصیؔرات سے روانہ ہُوئے اور دشتِ فاؔران میں پُہنچ کر اُنہوں نے ڈیرے ڈالے۔ </span></div></big>

{{Donate}}