View source

{{Books of the Old Testament Urdu}} 40 ایُّوب
<big><div style="text-align: right;"><span style="font-family:Jameel Noori Nastaleeq;">

۱

خُداوند نے ایُّؔوب سے بھی یہ کہا:۔

۲

کیا جو فُضول حُجّت کرتا ہے وہ قادرِ مُطلق سے جھگڑا کرے؟ جو خُدا سے بحث کرتا ہے وہ اِسکا جواب دے۔

۳

تب ایُّؔوب نے خُداوند کو جواب دِیا:۔

۴

دیکھ! مَیں ناچِیز ہُوں۔ مَیں تُجھے کیا جواب دُوں؟ مَیں اپنا ہاتھ اپنے مُنہ پر رکھتا ہُوں۔

۵

اب جواب نہ دُونگا۔ ایک بار مَیں بول چُکا بلکہ دوبار۔ پر اب آگے نہ بڑھُونگا۔

۶

تب خُداوند نے ایُّؔوب کو بگولے میں سے جواب دِیا:۔

۷

مَرد کی مانِند اب اپنی کمر کس لے۔ مَیں تُجھ سے سوال کرتا ہُوں اور تُو مُجھے بتا۔

۸

کیا تُو میرے اِنصاف کو بھی باطِل ٹھہرائیگا؟ کیا تُو مُجھے مُجرِم ٹھہرائیگا تا کہ خود راست ٹھہرے؟

۹

یا کیا تیرا بازُو خُدا کا سا ہے؟ اور کیا تُو اُسکی سی آواز سے گرج سکتا ہے؟

۱۰

اب اپنے کو شان وشَوکت سے آراستہ کر اور عِزّت وجلال سے مُلبّس ہوجا۔

۱۱

اپنے قہر کے سَیلابوں کو بہا دے اور ہر مغرُور کو دیکھ اور ذلِیل کر۔

۱۲

ہر مغرُور کو دیکھ اور اُسے نِیچا کر اور شرِیروں کو جہاں کھڑے ہوں پامال کر دے۔

۱۳

اُنکو اِکٹّھا مِٹّی میں چُھپا دے اور اُس پوشِیدہ مقام میں اُنکے مُنہ باندھ دے۔

۱۴

تب مَیں بھی تیرے بارے میں مان لُونگا کہ تیرا ہی دہنا ہاتھ تُجھے بچا سکتا ہے۔

۱۵

اب دریائی گھوڑے کو دیکھ جِسے مَیں نے تیرے ساتھ بنایا۔ وہ بَیل کی طرح گھاس کھاتا ہے۔

۱۶

دیکھ! اُسکی طاقت اُسکی کمر میں ہے اور اُسکا زور اُسکے پیٹ کے پٹّھوں میں۔

۱۷

وہ اپنی دُم کو دیودار کی طرح ہِلاتا ہے۔ اُسکی رانوں کی نسیں باہم پَیوستہ ہیں۔

۱۸

اُسکی ہِڈّیوں پِیتل کے نلوں کی طرح ہیں۔ اُسکے اعضا لوہے کی بینڈوں کی مانِند ہیں۔

۱۹

وہ خُدا کی خاص صنعت ہے۔ اُسکے خالِق ہی نے اُسے تلوار بخشی ہے۔

۲۰

یقِیناً ٹِیلے اُسکے لئِے خُوراک بہم پُہنچاتے ہیں جہاں مَیدان کے سب جانور کھیلتے کُودتے ہیں۔

۲۱

وہ کنول کے درخت کے نِیچے لیٹتا ہے۔ سرکنڈوں کی آڑا اور دلدل ہیں۔

۲۲

کنول کے درخت اُسے اپنے سایہ کے نِیچے چُھپا لیتے ہیں۔ نالے کی بیدیں اُسے گھیر لیتی ہیں۔

۲۳

دیکھ! اگر دریا میں باڑھ ہو تو وہ نہیں کانپتا۔ خواہ یَؔردن اُسکے مُنہ تک چڑھ آئے وہ بے خَوف ہے۔

۲۴

جب وہ چَوکس ہو تو کیا کوئی اُسے پکڑلیگا یا پھندا لگا کر اُسکی ناک کو چھیدیگا؟ </span></div></big>

{{Donate}}