Acts 7 Urdu

۱

-تب سردار کاہِن نے کہا، کیا یہ باتیں یوں ہی ہیں؟

۲

-اُس نے کہا اَے آدمیو اور بھائِیو اور اے بزُرگو سُنو، خُدایِ ذُوالجلال ہمارے باپ ابرہاؔم پر اُس وقت ظاہِر ہُئوا جب وہ حاؔران میں بسنے سے پیشتر مسوپتاؔمیہ میں تھا

۳

-اور اُس سے کہا کہ اپنے مُلک اور اپنے کُنبے سے نکِلکر اُس مُلک میں چلا جا جِسے مَیں تُجھے دِکھاؤُں گا

۴

تب کَسدِیوں کے مُلک سے نکِلکر حاؔران میں جا بسا اور وہاں سے اُس کے باپ کے مَرنے کے بعد خُدا نے اُس کو اِس مُلک میں لا کر بسا دِیا جِس میں تُم اب بستے ہو۔

۵

اور اُس کو کُچھ مِیراث بلکہ قدم رکھنے کی بھی اُس میں جگہ نہ دی مگر وعدہ کِیا کہ مَیں یہ زمِین تیرے اور تیرے بعد تیری نسل کو دُوں گا کہ تیری ملیکت ہو جائے، حالانکہ اُس کے اَولاد نہ تھی۔

۶

-اور خُدا نے یہ فرمایا، کہ تیری نسل غَیر مُلک میں پردیسی ہوگی۔ اور وہ اُن کو غُلامی میں رکھّیں گے اور چار سَو برس تک اُن سے بدسلُوکی کریں گے

۷

-پھِر خُدا نے کہا کہ جِس قَوم کی وہ غُلامی میں رہیں گے اُس کو مَیں سزا دُوں گا اور اُس کے بعد وہ نِکلکر اِسی جگہ میری عِبادت کریں گے

۸

اور اُس نے اُس سے خَتنہ کا عہد باندھا اور اِسی حالت میں ابرہاؔم سے اِضحؔاق پَیدا ہُئوا اور آٹھویں دِن اُس کا خَتنہ کِیا گیا اور اِضحؔاق سے یعقُؔوب اور یعقُؔوب سے بارہ قبِیلوں کے بزُرگ پَیدا ہُوئے۔

۹

-اور بزُرگوں نے حسد میں آ کر یُؔوسف کو بیچا کہ مِصؔر میں پُہنچ جائے مگر خُدا اُس کے ساتھ تھا

۱۰

اور اُس کی سب مُصیِبتوں سے اُس نے اُس کو چُھڑایا اور مِصؔر کے بادشاہ فِرعؔون کے نزدِیک اُس کو مقبُولِیّت اور حِکمت بخشی اور اُس نے اُسے مِصؔر اور اپنے سارے گھر کا مختار کر دِیا۔

۱۱

-اور مِصؔر کے سارے مُلک اور کنعاؔن میں کال پڑا اور بڑی مُصِیبت آئی اور ہمارے باپ دادا کو کھانا نہ مِلتا تھا

۱۲

-لیکن یعقُؔوب نے یہ سُنکر کہ مِصؔر میں اناج ہے ہمارے باپ دادا کو پہلی بار بھیجا

۱۳

-اور دُوسری بار یُؔوسف اپنے بھائِیوں پر ظاہِر ہو گیا اور یُؔوسف کی قَومِیّت فِرعؔون کو معلُوم ہوگئی

۱۴

-تب یُؔوسف نے اپنے باپ یعقُؔوب اور اُس کے سارے کُنبے کو جو پچھتّر جانیں تھِیں بُلا بھیجا

۱۵

-اور یعقُؔوب مِصؔر میں گیا۔ وہاں وہ اور ہمارے باپ دادا مَر گئے

۱۶

-اور وہ شہرِ سِکؔم میں پُہنچائے گئے اور اُس مقبرہ میں دفن کِئے گئے جِس کو ابرہاؔم نے سِکؔم میں رُوپیہَ دے کر بنی ہمور سے مول لِیا تھا

۱۷

-لیکن جب اُس وعدہ کی مِیعاد پُوری ہونے کو تھی جو خُدا نے ابرہاؔم سے فرمایا تھا تو مِصؔر میں وہ اُمّت بڑھ گئی اور اُن کا شُمار زِیادہ ہوتا گیا

۱۸

-اُس وقت تک کہ دُوسرا بادشاہ مِصؔر پر حُکمران ہُئوا جو یُؔوسف کو نہ جانتا تھا

۱۹

-اُس نے ہماری قَوم سے چالاکی کرکے ہمارے باپ دادا کے ساتھ یہاں تک بدسلُوکی کی کہ اُنہیں اپنے بچّے پَھینکنے پڑے تاکہ زِندہ رہیں

۲۰

-اُس وقت مُوسؔیٰ پَیدا ہُوا، جو نِہایت خُوبصُورت تھا؛ اُس نے تِین مہِینے تک اپنے باپ کے گھر میں پرورش پائی

۲۱

-مگر جب پَھینک دِیا گیا تو فِرعؔون کی بیٹی نے اُسے اُٹھا لِیا اور اپنا بیٹا کرکے پالا

۲۲

-اور مُوسؔیٰ نے مِصریوں کے تمام علُوم کی تعلِیم پائی اور وہ کلام اور کام میں قُوّت والا تھا

۲۳

-اور جب وہ پورے چالِیس برس کا ہُوا، اُس کے جی میں آیا، کہ جا کے اپنے بھائی بنی اِسرائیل کی خبر لے

۲۴

-چُنانچہ اُن میں سے ایک کو ظُلم اُٹھاتے دیکھ کر اُس کی حِمایت کی اور مِصری کو مار کر مظلُوم کا بدلہ لِیا

۲۵

-کیونکہ اُس نے خیال کِیا، کہ میرے بھائی سمجھ لیں گے کہ خُدا میرے ہاتھوں اُنہیں چُھٹکارا دے گا مگر وہ نہ سمجھے

۲۶

پھِر دُوسرے دِن وہ اُن میں سے دو لڑتے ہُوؤں کے پاس آ نِکلا اور یہ کہہ کر اُنہیں صُلح کرنے کی ترغِیب دی کہ اَے جوانو! تُم تو بھائی بھائی ہو۔ کیوں ایک دُوسرے پر ظُلم کرتے ہو؟۔

۲۷

-لیکن جو اپنے پڑوسی پر ظُلم کر رہا تھا اُس نے یہ کہہ کر اُسے ہٹا دِیا تُجھے کِس نے ہم پر حاکِم اور قاضی مُقرّر کِیا؟

۲۸

-کیا تو مُجھے بھی قتل کرنا چاہتا ہے جِس طرح کل اُس مِصری کو قتل کِیا تھا؟

۲۹

-مُوسؔیٰ یہ بات سُنکر بھاگ گیا اور مِدیاؔن کے مُلک میں پردیسی رہا کِیا اور وہاں اُس کے دو بیٹے پَیدا ہُوئے

۳۰

-اور جب پُورے چالِیس برس ہو گئے تو کوہِ سِؔینا کے بیابان میں جلتی ہُوئی جھاڑی کے شُعلہ میں اُس کو خُداوند کا ایک فرِشتہ دِکھائی دِیا

۳۱

-جب مُوسؔیٰ نے اُس پر نظر کی تو اُس نظّارہ سے تعجُّب کِیا اور جب دیکھنے کو نزدِیک گیا تو خُداوند کی آواز آئی

۳۲

-کہ مَیں تیرے باپ دادا کا خُدا یعنی ابرہاؔم کا خُدا اور اِضؔحاق کا خُدا اور یعقُؔوب کا خُدا ہُوں۔ تب تو مُوسؔیٰ کانپ گیا اور اُس کو دیکھنے کی جُراًت نہ رہی

۳۳

-تب خُداوند نے اُس سے کہا کہ اپنے پاؤں سے جُوتی اُتار لے کیونکہ جِس جگہ تُو کھڑا ہے وہ پاک زمِین ہے

۳۴

-مَیں نے واقِعی اپنی اُس اُمّت کی مُصِیبت دیکھی جو مِصؔر میں ہے اور اُن کا آہ و نالہ سُنا پس اُنہیں چُھڑانے اُترا ہُوں۔ اور اب آ۔ مَیں تُجھے مِصؔر بھیجُوں گا

۳۵

جِس مُوسؔیٰ کا اُنہوں نے یہ کہہ کر اِنکار کِیا تھا کہ تُجھے کِس نے حاکِم اور قاضی مُقرّر کِیا؟ اُسی کو خُدا نے حاکِم اور چُھڑانے والا ٹھہرا کر اُس فرِشتہ کے ذرِیعہ سے بھیجا جو اُسے جھاڑی میں نظر آیا تھا۔

۳۶

-وہی اُنہیں نِکال لایا اور مِصؔر کے ملک، اور بحرِ قُؔلزم اور بیابان میں چالِیس برس تک معجزے اور نِشانیاں دِکھاتا رہا

۳۷

-یہ وُہی مُوسؔیٰ ہے جِس نے بنی اِسرائیل سے کہا، کہ خُداوند جو تُمہارا خُدا ہے تُمہارے بھائِیوں میں سے تُمہارے لِئے مُجھ سا ایک نبی ظاہر کرے گا۔ اُس کی سُنو

۳۸

-یہ وُہی ہے جو بیابان کی کلیِسیاء میں اُس فرِشتہ کے ساتھ جو کوہِ سِیؔنا پر اُس سے ہمکلام ہُئوا اور ہمارے باپ دادا کے ساتھ تھا۔ اُسی کو زِندہ کلام مِلا کہ ہم تک پُہنچا دے

۳۹

-مگر ہمارے باپ دادا نے اُس کے فرمانبردار نہ ہونا چاہا بلکہ اُس کو ہٹا دِیا اور اُن کے دِل مِصؔر کی طرف مائِل ہُوئے

۴۰

-اور اُنہوں نے ہارُؔون سے کہا کہ ہمارے لِئے اَیسے معبُود بنا جو ہمارے آگے آگے چلیں کیونکہ یہ مُوسؔیٰ جو ہمیں مُلکِ مِصؔر سے نِکال لایا ہم نہیں جانتے کہ وہ کیا ہُئوا

۴۱

-اور اُن دِنوں میں اُنہوں نے ایک بچھڑا بنایا اور اُس بُت کو قُربانی چڑھائی اور اپنے ہاتھوں کے کاموں کی خُوشی منائی

۴۲

تب خُدا نے مُنہ موڑ کر اُنہیں چھوڑ دِیا کہ آسمانی فَوج کو پُوجیں؛ چُنانچہ نِبیوں کی کِتاب میں لِکھا ہے کہ اَے اِسرائؔیل کے گھرانے! کیا تُم نے بیابان میں چالِیس برس مُجھ کو ذبِیحے اور قُربانِیاں گُزرانِیں؟۔

۴۳

بلکہ تُم مولؔک کے خَیمہ اور رِفاؔن دیوتا کے تارے کو لِئے پِھرتے تھے۔ یعنی اُن مُورتوں کو جِنہیں تُم نے سِجدہ کرنے کے لِئے بنایا تھا۔ پس مَیں تُمہیں باؔبل کے پرے لے جا کر بساؤُں گا۔

۴۴

-شہادت کا خَیمہ بیابان میں ہمارے باپ دادا کے پاس تھا جَیسا کہ مُوسؔیٰ سے کلام کرنے والے نے حُکم دِیا تھا کہ جو نمُونہ تُو نے دیکھا ہے اُسی کے مُوافِق اِسے بنا

۴۵

اُسی خَیمہ کو ہمارے باپ دادا اگلے بزُرگوں سے حاصِل کرکے یشُؔوع کے ساتھ لائے۔ جِس وقت اُن قَوموں کی مِلکیّت پر قبضہ کِیا جِنکو خُدا نے ہمارے باپ دادا کے سامنے نِکال دِیا اور وہ داؤُؔد کے زمانہ تک رہا۔

۴۶

-اُس پر خُدا کی طرف سے فضل ہُئوا اور اُس نے درخواست کی کہ مَیں یعقُؔوب کے خُدا کے واسطے مَسکن تیّار کرُوں

۴۷

-مگر سُلؔیمان نے اُس کے لِئے گھر بنایا

۴۸

-لیکن خُدا تعالیٰ اُن ہیکلوں میں، جو ہاتھ سے بنے ہیں، نہیں رہتا؛ چُنانچہ نبی کہتا ہے کہ

۴۹

-خُداوند فرماتا ہے آسمان میرا تخت اور زمِین میرے پاؤں تلے کی چَوکی ہے۔ تُم میرے لِئے کَیسا گھر بناؤ گے یا میری آرامگاہ کَونسی ہے؟

۵۰

-کیا یہ سب چِیزیں میرے ہاتھ سے نہیں بنِیں؟

۵۱

-اَے سرکشو اور دِل اور کان کے نامختُونو، تُم ہر وقت رُوحُ القُدس کا سامنا کرتے ہو جَیسے تُمہارے باپ دادا کرتے تھے وَیسے ہی تُم بھی کرتے ہو

۵۲

نِبیوں میں سے کِس کو تُمہارے باپ دادا نے نہیں ستایا؟ اُنہوں نے تو اُس راستباز کے آنے کی پیش خبری دینے والوں کو قتل کِیا اور اب تُم اُس کے پکڑوانے والے اور قاتِل ہُوئے۔

۵۳

-تُم نے فرِشتوں کی معرفت سے شرِیعت تو پائی پر عمل نہ کِیا

۵۴

-جب اُنہوں نے یہ باتیں سُنِیں تو جی میں جَل گئے اور اُس پر دانت پِیسنے لگے

۵۵

-مگر اُس نے رُوحُ القُدس سے معُمور ہو کر آسمان کی طرف غَور سے نظر کی اور خُدا کا جلال اور یِسُؔوع کو خُدا کی دہنی طرف کھڑا دیکھ کر

۵۶

-اور کہا، دیکھو، مَیں آسمان کو کُھلا اور اِبنِ آدم کو خُدا کے دہنے ہاتھ کھڑا دیکھتا ہُوں

۵۷

-تب اُنہوں نے بڑے زور سے چِلّا کر اپنے کان بند کر لِئے اور ایک دِل ہو کر اُس پر جَھپٹے

۵۸

-اور شہر سے باہر نِکال کر اُس کو سنگسار کرنے لگے اور گواہوں نے اپنے کپڑے ساؤُؔل نام ایک جوان کے پاؤں کے پاس رکھ دِیئے

۵۹

-پس یہ اِستفَنُِؔس کو سنگسار کرتے رہے اور وہ یہ کہہ کر دُعا کرتا رہا کہ اَے خُداوند یِسُؔوع، میری رُوح کو قبُول کر

۶۰