Luke 10 Urdu Hindustani Bible 1878

From Textus Receptus

(Difference between revisions)

Jump to: navigation, search

Current revision

LUQA KI INJIL.

10 BÁB

1 Us ke bad Khudawand ne sattar aur muqarrar kiye, aur apne samhne har shahr aur har jagah men, jahan ap jaya chahta tha, do do bheje.

2 Aur un se kaha, ki Fasl to bahut hai, par mazdur thore: is liye khet ke malik ki minnat karo, ki mazdur apne khet men bheje.

3 Tum jao: dekho, main tumhen bheron ki manind bheriyon men bhejta hun.

4 Na batua le jao, na jholi, na juti: aur rah men kisi ko salam na kijiyo.

5 Aur jis ghar men dakhil ho, pahle kaho, ki Is ghar ko salam.

6 Agar salamati ka beta wahan hoga, tumhara salam us par thahrega: nahin to tumhari taraf phir awega.

7 Aur usi ghar men raho, aur jo kuchh un ke pas ho, khao pio: kyunki mazduri mazdur ka haqq hai. Ghar ghar na phiro.

8 Aur jis shahr men dakhil ho, aur we tumhen qabul karen, jo kuchh tumhare samhne rakha jae, khao.

9 Wahan ke bimaron ko changa karo, aur un se kaho, ki Khuda ki badshahat tumhare nazdik ai.

10 Aur jis shahr men ki dakhil ho, aur we tumhen qabul na karen, wahan ki sarakon par jake kaho, ki.

11 Is gard tak, jo tumhare shahr se ham par pari, jhar dete hain: magar yih jano, ki Khuda, ki badshahat tumhare nazdik ai hai.

12 Main tum se kahta hun, ki Us din, Sadum ka hal, us shahr ki banisbat, ziyada qabil bardasht ke hoga.

13 Hae Korazin, tujh par afsos! hae Baitsaida, tujh par afsos! kyunki yih karamaten, jo tumhare darmiyan dikhai gain, agar Sur o Saida men dikhai jati, to unhon ne tat orhke aur khak men baithke kab ka tauba kiya hota.

14 Magar Sur o Saida ke liye, tumhari nisbat, 'adalat ke din, bardasht karna asan hoga.

15 Aur, ai Kafarnahum, tu jo asman tak pahunchaya gaya hai, dozakh men giraya jaega.

16 Jo tumhari sunta, meri sunta hai; aur jo tumhen nachiz janta hai, mujhe nachiz janta hai; aur jo mujhe nachiz janta hai, use, jis ne mujh ko bheja hai, nachiz janta hai.

17 We sattar, khushi se phir ake, kahne lage, Ai Khudawand, tere nam se shayatin bhi hamara hukm mante hain.

18 Tab us ne un se kaha, Main ne shaitan ko bijli ki manind asman se girte dekha.

19 Dekho, main tum ko samp aur bichchhu ke raundne par, aur dushman ki sari qudrat par ikhtiyar deta hun; aur koi kisu tarah tumhen nuqsan na pahunchawega.

20 Magar isi par khush na ho, ki ruhen tumhare hukm men hain; balki is liye khushi karo, ki tumhare nam asman par likhe hain.

21 Us waqt Yisu ne ji men khush hoke kaha, Ai Bap, asman aur zamin ke Khudawand, main teri tarif karta hun, ki tu ne in chizon ko danaon aur 'aqalmandon se chhipaya, par bachchon par zahir kiya: han, ai Bap, ki yun hi tujhe pasand aya.

22 Aur mere Bap ne sab kuchh mujhe sompa hai: aur koi nahin janta, ki Beta kaun hai, magar Bap aur Bap kaun hai, magar Beta, aur wuh jis par Beta zahir kiya chahe.

23 Aur shagirdon ki taraf mutawajjih hoke, un se nirale men kaha, Mubarak wuh ankhen, jo yih chizen dekhtin, ki tum dekhte ho.

24 Kyunki main tum se kahta hun, ki babut se nabion aur badshahon ne chaha, ki jo tum dekhte ho, dekhen, par na dekha; aur jo kuchh sunte ho, sunen, par na suna.

25 Aur dekho, ek shariat sikhlanewala utha, aur yih kahke us ki azmaish ki, ki Ai ustad, main kya karun, ki hamesha ki zindagi ka waris houn?

26 Us ne use kaha, ki Shariat men kya likha hai? tu kis tarah parhta hai?

27 Us ne jawab men kaha, Tu Khudawand ko, jo tera Khuda hai, apne sare dil, aur apni sari jan, aur apne sare zor, aur apni sari samajh se piyar kar; aur jaisa ap ko, waisa hi apne parosi ko.

28 Us ne use kaha, Tu ne thik jawab diya: yihi kar, to jiega.

29 Par us ne yih chahke ki apne tain rastbaz thahrawe, Yisu se kaha, ki Mera parosi kaun hai?

30 Yisu ne jawab men kaha, ki Ek shakhs Yarusalam se Iriha ko jata tha, aur dakuon men ja para; we use nanga aur ghayal karke adhmua chhor gae.

31 Ittifaqan ek kahin us rah se ja nikla: aur us ko dekhke kinare se chala gaya.

32 Isi tarah ek Lewi bhi us jagah ake, use dekhkar kinare se chala gaya.

33 Par ek musafir Samari wahan aya: aur us ko dekhke rahm kiya.

34 Aur us ke pas ake, us ke zakhmon ko tel aur mai dalke bandha, aur apne janwar par dalke sara men le gaya, aur us ki khabardari ki.

35 Aur dusre din jab jane laga, do dinar nikalkar bhathiyare ko diya, aur kaha, ki Is ki khabardari kar: aur jo kuchh is se ziyada kharch hoga, main phir ake tujhe dunga.

36 Ab in tinon men se, us ka, jo dakuon men ja para tha, tu kis ko parosi janta hai?

37 Us ne kaha, Us ko, jis ne us par rahm kiya. Tab Yisu ne use kaha, Ja, tu bhi aisa hi kar.

38 Aur aisa hua, ki jab jate the, wuh ek basti men pahuncha: aur Martha name ek 'aurat ne use apne ghar men utara.

39 Aur Mariyam name us ki ek bahin thi, jo Yisu ke paon pas baithke, us ka kalam sunti thi.

40 Par Martha ne bahut khidmat se ghabrai hui us ke pas ake kaha, ki Ai Khudawand, tu khabar nahin leta, ki meri bahin ne

mujhe akela khidmat men chhora hai? ab use kah, ki meri madad kare.

41 Tab Yisu' ne jawab men use kaha, Martha, ai Martha, tu bahut chizon ke waste fikr o ghabrahat men hai.

42 Par ek chiz zarur hai: so Mariyam ne achchha hissa chuna hai, jo us se pher liya na jaega.

The King James Version 2023 Edition New Testament is now complete and in print format here.

Internal Links

Old Testament - New Testament KJV 1900

New Testament KJV 2016

Scrivener's 1894 Textus Receptus

2016 Urdu New Testament (TR Based)

Russian Synodal Version (TR Based)

Reina Valera Gómez Spanish (TR Based)

Marginal Notes in the 1611 Authorized Version

Ephesians 3:9

Why We Should Not Passover Easter 1, 2, & 3

Will Kinney

List of TR/KJV based foreign bibles

List of New Testament minuscules

List of New Testament lectionaries

List of New Testament Papyri

1 · 2 · 3 · 4 · 5 · 6 · 7 · 8 · 9 · 10 · 11 · 12 · 13 · 14 · 15 · 16 · 17 · 18 · 19 · 20 · 21 · 22 · 23 · 24 · 25 · 26 · 27 · 28 · 29 · 30 · 31 · 32 · 33 · 34 · 35 · 36 · 37 · 38 · 39 · 40 · 41 · 42 · 43 · 44 · 45 · 46 · 47 · 48 · 49 · 50 · 51 · 52 · 53 · 54 · 55 · 56 · 57 · 58 · 59 · 60 · 61 · 62 · 63 · 64 · 65 · 66 · 67 · 68 · 69 · 70 · 71 · 72 · 73 · 74 · 75 · 76 · 77 · 78 · 79 · 80 · 81 · 82 · 83 · 84 · 85 · 86 · 87 · 88 · 89 · 90 · 91 · 92 · 93 · 94 · 95 · 96 · 97 · 98 · 99 · 100 · 101 · 102 · 103 · 104 · 105 · 106 · 107 · 108 · 109 · 110 · 111 · 112 · 113 · 114 · 115 · 116 · 117 · 118 · 119 · 120 · 121 · 122 · 123 · 124 · 125 · 126 · 127 · 128 · 129 · 130 · 131 · 132 · 133 · 134 · 135 · 136 · 137 · 138 · 139 · 140 ·