Luke 9 Urdu Hindustani Bible 1878

From Textus Receptus

(Difference between revisions)

Jump to: navigation, search

Current revision

LUQA KI INJIL.

9 BÁB

1 Us ne, apne barah shagirdon ko ikattha karke, unhen sab shaitanon par aur bimarion ko dafa karne ke liye qudrat o ikhtiyar bakhsha.

2 Aur unhen bheja, ki Khuda ki badshahat ki manadi karen, aur bimaron ko changa karen.

3 Aur un se kaha, ki Rah ke liye kuchh na lo, na chharian, na jholi na roti, na rupae; na admi pichhe do kurte.

4 Aur jab kisi ghar men dakhil ho, wahin raho, aur wahin se rawana ho.

5 Aur jab log tumhen qabul na karen, to us shahr se bahar jake apne paon ki khak un par gawahi ke liye jharo.

6 We rawana hoke, har basti men guzarte, aur har jagah khushkhabari sunate, aur changa karte the.

7 Aur chauthi ke hakim Herodis ne, jo kuchh Yisu' ne kiya tha, suna: aur ghabraya, is liye ki baze kahte the, ki Yuhanna murdon men se utha hai.

8 Aur baze, ki Iliyas zahir hui hai; aur dusre, ki ek agle nabion men se utha hai.

9 Par Herodis ne kaha, ki Main ne Yuhanna ka sir kata: magar yih, jis ki babat aisi baten sunta hun, kaun hai? Aur chaha ki use dekhe.

10 Aur rasulon ne phirke, jo kuchh kiya tha, us se bayan kiya. Aur wuh un ko leke alag Baitsaida name shahr ke ek wirane men gaya.

11 Aur log janke, us ke pichhe chale: wuh un se Khuda ki badshahat ki baten karne laga, aur jo change hone ke muhtaj the, unhen changa kiya.

12 Aur jab din akhir hone laga, un barahon ne ake, use kaha, ki Logon ko rukhsat de, ki as pas ki bastion aur ganwon men jake tiken, aur khane ki tadbir karen: kyunki ham yahan wirane men hai.

13 Us ne un se kaha, ki Tum hi un ko khana do. Unhon ne kaha, ki hamare pas, siwa panch roti aur do machhli ke, kuchh nahin hai; magar han, ham jake in sab logon ke liye khana mol len.

14 Kyunki we panch hazar mard ke qarib the. Tab us ne apne shagirdon se kaha, ki un ko pachas pachas ki pant karke bithao.

15 Unhon ne usi tarah kiya, aur sab ko bithaya.

16 Tab us ne un panch rotion aur do machhlion ko leke aur asman ki taraf dekhke, un ko barakat di, aur torke apne shagirdon ko diya, ki logon ke age rakhen.

17 Aur unhon ne khaya, aur sab asuda hue: aur un tukron ki, jo un se bach rahe, barah tokrian uthain.

18 Aur yun hua, ki jab wuh nirale men dua mangta tha, shagird us ke sath the: us ne un se puchha, ki Log mujh ko kya kahte hain, ki main, kaun hun?

19 Unhon ne jawab men kaha, ki Yuhanna baptisma denewala, aur baze Iliyas; aur dusre, ki ek agle nabion se phir utha hai.

20 Tab us ne un se kaha, Tum kya kahte ho, main kaun hun? Patras ne jawab men kaha, ki Khuda ka Masih.

21 Us ne un se takid ki, aur farmaya, ki wuh kisu se na kahiyo.

22 Aur kaha, ki Zarur hai, ki Ibn i Adam bahut dukh sahe, aur buzurgon aur sardar kahinon aur faqihon se radd kiya jae, aur mara jae, aur tisre din ji uthe.

23 Aur us ne sab se kaha, ki Agar koi chahe, ki mere pichhe awe, to apna inkar kare, aur apni salib har roz uthake, meri pairaui kare.

24 Is liye jo koi chahe, ki apni jan bachawe, use khoega: par jo koi mere liye apni jan khoega, wuhi use bachawega.

25 Kyunki admi ko kya faida, agar tamam dunya hasil kare, par apni jan kho de, ya wuh barbad howe?

26 Kyunki jo mujh se aur meri baton, se sharmaega, Ibn i Adam bhi, jab apne aur apne Bap aur pak firishton ke jalal ke sath awega, us se sharmaega.

27 Aur main tum se sach kahta hun, ki Baze un men se yahan khare hain, jo na marenge, jab tak Khuda ki badshahat na dekhen.

28 Aur in baton ke roz ath ek bad, aisa hua, ki wuh, Patras aur Yuhanna aur Yaqub ko leke, ek pahar par dua mangne gaya.

29 Aur dua mangte hi aisa hua, ki us ke chihra ki surat badal gai, aur us ki poshak sufed barraq ho gai.

30 Aur dekho, do mard, jo Musa aur Iliyas the, us se guftogu karte the.

31 Yih jalal men dikhai diye, aur us ke marne ka, jo Yarusalam men pura hone par tha, zikr karte the.

32 Aur Patras aur us ke sathi nind se bhare the: jab jage, to us ke jalal ko, aur un do mardon ko jo us ke sath khare the, dekha.

33 Aur aisa hua, ki jad we us se juda hone lage, Patras ne Yisu se kaha, ki Ai sahib, hamara yahan rahna achchha hai: tin dera banawen; ek tere, aur ek Musa, aur ek Iliyas ke liye: aur nahin janta tha, ki kya kahta hai.

34 Wuh yih kahta hi tha, ki badal aya, aur un par saya kiya: aur badal men jane se we dargae.

35 Aur badal se ek awaz nikli, ki Yih mera piyara Beta hai, us ki suno.

36 Aur awaz ate hi, Yisu' ko akela paya. Aur we chup rahe, aur unhon ne, jo kuchh dekha tha, un dinon men kisu se na kaha.

37 Aur aisa hua, ki jab we dusre din pahar se utre, ek bari bhir use a, mili.

38 Aur dekho, ki ek mard ne bhir men se chillake kaha, ki Ai ustad, main teri minnat karta hun, ki mere bete par nazar kar: ki wuh mera iklauta hai.

39 Aur dekh, ek ruh use pakarti hai, aur wuh ekaek chillata hai; aur us ko aisa ainthti, ki wuh kaf bhar lata hai, aur us ko kuchalke us par se mushkil se utarti hai.

40 Aur main ne tere shagirdon ki minnat ki, ki use nikalen; lekin we na sake.

41 Tab Yisu' ne jawab men kaha, ki Ai beiman o terhi qaum, main kab tak tumhare sath rahunga, aur tumhari' bardasht karunga? Apne bete ko yahan la.

42 Jab wuh ata tha Shaitan ne use patakke aintha. Par Yisu ne us napak ruh ko dhamkaya, aur larke ko changa kiya, aur use us ke ma bap ko sompa.

43 Aur sab Khuda ki buzurgi dekhke, hairan hue. Jab sab un chizon ke sabab jo Yisu' ne kiya taajjub karte the, us ne apne shagirdon se kaha, ki.

44 Tum in baton ko apne kanon men rakho; kyunki Ibn i Adam logon ke hath men hawala kiya jaega.

45 Par we is bat ko na samjhe, balke wuh un se chhipi thi, ki we na samjhen: aur is bat ke puchhne men us se darte the.

46 Phir un ko yih khiyal aya, ki ham men sab se bara kaun hai?

47 Yisu' ne un ke dilon ka khiyal janke, ek larke ko liya, aur apne pas khara kiya.

48 Aur un se kaha, ki Jo is larke ko mere nam par qabul kare, mujhe qabul karta hai; aur jo mujhe qabul kare, us ko, jis ne mujhe bheja, qabul karta hai; kyunki jo tum men sab se chhota hai, wuhi bara hai.

49 Yuhanna ne jawab men kaha, Ai sahib, ham ne ek shakes ko tere nam se shaitan nikalte dekha; aur us ko mana kiya, kyunki wuh hamare sath teri pairaui nahin karta.

50 Yisu' ne us se kaha, ki Mana na karo, kyunki jo hamare barkhilaf nahin, hamari taraf hai.

51 Aur aisa hua, ki jab us ke uth jane ke din nazdik ae, us ne mazbut irada kiya, ki Yarusalam ko jae.

52 Aur apne age rasul bheje: we jake Samariya ki ek basti men dakhil hue, ki us ke liye taiyari karen.

53 Lekin unhon ne us ko qabul na kiya, kyunki wuh Yarusalam jane ko tha.

54 Us ke shagird Yaqub aur Yuhauna ne yih dekhke kaha, ki Ai Khudawand, kya tu chahta hai, ki jaisa Iliyas ne kiya, ham hukm karen, ki asman se ag barse aur unhen jalawe?

55 Tab us ne phirke unhen dhamkaya aur kaha, Tum nahin jante, ki tum men kaisi ruh hai.

56 Kyunki Ibn i Adam logon ki jan barbad karne nahin, balki bachane aya. Tad we dusri basti ko chale.

57 Aur aisa hua, ki jad we rah men chale jate the, kisu ne use kaha, Ai Khudawand, jahan tu jata hai, main tere pichhe chalunga.

58 Yisu ne use kaha, ki Lomrion ke liye manden hain, aur chiriyon ke liye basere; par Ibn i Adam ko itni jagah nahin, ki apna sir rakhe.

59 Phir us ne dusre se kaha, Mere pichhe chal. Us ne kaha, Ai Khudawand, mujhe rukhsat de, ki pahle jake apne bap ko garun.

60 Yisu' ne use kaha, Jane de, ki murde apne murdon ko garen: par tu jake, Khuda ki badshahat ki khabar de.

61 Dusre ne bhi kaha, ki Ai Khudawand, main tere pichhe chalunga; lekin pahle mujhe jane de, ki apne ghar ke logon se rukhsat ho aun.

62 Yisu' ne use kaha, ki Jo apna hath hal par rakhke pichhe dekhta hai, wuh Khuda ki badshahat ke laiq nahin.

The King James Version 2023 Edition New Testament is now complete and in print format here.

Internal Links

Old Testament - New Testament KJV 1900

New Testament KJV 2016

Scrivener's 1894 Textus Receptus

2016 Urdu New Testament (TR Based)

Russian Synodal Version (TR Based)

Reina Valera Gómez Spanish (TR Based)

Marginal Notes in the 1611 Authorized Version

Ephesians 3:9

Why We Should Not Passover Easter 1, 2, & 3

Will Kinney

List of TR/KJV based foreign bibles

List of New Testament minuscules

List of New Testament lectionaries

List of New Testament Papyri

1 · 2 · 3 · 4 · 5 · 6 · 7 · 8 · 9 · 10 · 11 · 12 · 13 · 14 · 15 · 16 · 17 · 18 · 19 · 20 · 21 · 22 · 23 · 24 · 25 · 26 · 27 · 28 · 29 · 30 · 31 · 32 · 33 · 34 · 35 · 36 · 37 · 38 · 39 · 40 · 41 · 42 · 43 · 44 · 45 · 46 · 47 · 48 · 49 · 50 · 51 · 52 · 53 · 54 · 55 · 56 · 57 · 58 · 59 · 60 · 61 · 62 · 63 · 64 · 65 · 66 · 67 · 68 · 69 · 70 · 71 · 72 · 73 · 74 · 75 · 76 · 77 · 78 · 79 · 80 · 81 · 82 · 83 · 84 · 85 · 86 · 87 · 88 · 89 · 90 · 91 · 92 · 93 · 94 · 95 · 96 · 97 · 98 · 99 · 100 · 101 · 102 · 103 · 104 · 105 · 106 · 107 · 108 · 109 · 110 · 111 · 112 · 113 · 114 · 115 · 116 · 117 · 118 · 119 · 120 · 121 · 122 · 123 · 124 · 125 · 126 · 127 · 128 · 129 · 130 · 131 · 132 · 133 · 134 · 135 · 136 · 137 · 138 · 139 · 140 ·